GHAZAL-Nahi Nigah Mein Manzil Toh JustJoo Hi Sahi

Singer: Abida Parveen
Lyrics: Faiz Ahmad Faiz

Nahi Nigah Mein Manzil Toh JustJoo Hi Sahi
Nahi Visaal Mayaasar Toh AarZoo Hi Sahi

Na Tan Mein Khoon Faraaham Na Ashq AAnkjho Mein
Namaaz-e-Shauq To Waajib Hai, Be-Wuzu Hi sahi

Kisi Tarah To Jam-e-Bazm Maikade Waalon,
Nahin Jo Baada-o-Saagar, To Haa-o-Huu Hi sahi.

Gar Intezaar Kathin Hai To Jab Talak Aai Dil
Kisi Ke Waada-e-Fardaa Ki Guftgoo Hi Sahi

Dayaar-e-Ghair Mein Mehram Agar Nahin Koi
To Faiz Zikr-e-Watan Apne Ruh-Ba-Ruh Hi Sahi.

You may also like...

Leave a Reply

Your email address will not be published. Required fields are marked *